Comedian Search hmawr bawk zan

ZIPRO LPS Comedian Search chu zan­in hian a hmawr bawk a ni dawn ta a, fiamthu thiam mi panga te an inlan dawn a ni.

Comedian Search final hi zan hnih neih a ni dawn a, zan khatna chu kar kalta Inrinni zan khan neih a ni. Zaninah final thawh hnihna leh a hmawr bawkna neih a ni dawn a, contestant mi panga te chu fiamthu thiam ber nih tumin minute nga chhung an intihsiak leh dawn a ni. Contestant te hian thupui an pawt ṭheuh dawn a, chu mi hmang chuan fiamthu an thawh dawn a ni.

Final zan hnih result hi khai khawm a ni dawn a, zanin hi a pawimawh dawn hle a ni. Hetih rual hian mipui lama tlana ten chance an nei ṭha dawn a, YouTube lamah vote theih an ni.

Kum 2008 aṭang khan Comedian Search hi neih ṭan a ni a, Junior tan buatsaih tel a ni bawk. Kumin hi ṭum 11 an neihna a ni tawh a, mipuiin an hlut hle a ni. Sponsor tute hming chawiin a hming hi vuah ṭhin a ni a, kuminah hian ZIPRO LPS Comedian Search tih a ni. Kumin bikah hian September 21 khan ṭan niin, show ṭum khua a awm a ni.

Final lut te chu :

Ramngaihzuala - Keifang

Lianchhunga - Dinthar

Lalkhawngaiha - Meidum

Lalchhuansanga - Lengpui

Lalbiaktluanga - New Chalrang