JB-a'n American te vote thlak turin ngen

Canadian singer Justin Bieber chuan November 6-a US Midterm Election lo awm turah American mipui te chu vote thlak ṭheuh turin a ngen.

Justin Bieber chuan,"US khua leh tui te chuan America sorkar hnathawh leh thil tih te an hre chiang hle a, a pawimawh zia an hria a ni. A ram mipui mai bakah khawvel hawiher thlak danglam hlawk thei an nih avangin vote thlak hi an ngaipawimawh tur a ni," tiin, ṭhahem ngaihna thu Twitter kaltlangin a tarlang.

Canadian pop star hian US khua leh tui nihna neih loh avangin vote a thlak ve thei dawn lo a, vote thlak tur erawh chuan a campaign nasa hle a ni. Hetih lai hian tun hnai khan US khua leh tui nihna hi a dil niin khawthang media te chuan an tarlang a ni.

Milar tam takin US Midterm Election chungchangah hian aw an chhuah tawh a, mipuite chu vote thlak ngei turin an sawm nasa hle a ni. Chung zingah chuan Taylor Swift, Billy Eichner leh Julia Louis te pawh an tel a, Justin Bieber a rawn ṭawngchhuak ve leh ta bawk a ni.