Latin American Music Award 2018 Favorite Artist 'Daddy Yankee'

Latin American Music Award chu October 25, Ningani khan sem a ni ta a, 'Despacito' singer Daddy Yankee chu Favorite Artist atan thlan a ni. Yankee hi Special Icon Award hlan a ni bawk a, hmeichhe lamah chuan Becky G chuan Favorite Artist award a la ve bawk a ni.

Latin American Music Award-ah hian Latin American boyband, CNCO chuan award ngaihhlut tak tak - Favorite Duo/Group, Favorite Artist-Pop leh Favorite Album-Pop te a an hui a ni. Ozuna chuan award pathum a la ve bawk a, CNCO nen award la hnem ber an ni.

Puerto Rican singer Bad Bunny chuan award ngaihlut ber tih ngam Artist of The Year a la a, Favorite Song a hui tel cheu bawk. Sebastián Yatra chu New Artist of the Year atan thlan a ni a, Song of the Year chu Luis Fonsi leh Demi Lovato te sak 'Échame La Culpa' a ni.

Album of the Year chu Ozuna kutah hlan niin, Urbano/Favorite Artist a la tel bawk. Daddy Yankee leh Maluma te chuan Special Icon Award leh Extraordinary Evolution Award te hlan an ni.

Latin American Music Award hi Aracely Arambula, Becky G, Gloria Trevi, Leslie Grace leh Roselyn Sanchez te chuan an host a, Wisin & Yandel, Gloria Trevi, CNCO leh Banda MS de Rene Camacho chu perform zingah an tel a ni.