Mendes leh Bieber duet 'Monster' chhuah hun a chiang ta

Canadian pop superstar pahnih, Shawn Mendes leh Justin Bieber-te zai dunna, "Monster' single chu tunkar Zirtawpni hian tihchhuah a ni dawn. 

Mendes hian  social media lamah Bieber nena an zai dunna tihchhuah hun tur hi a sawichhuak a ni. 'Monster' tihchhuah aṭanga kar hnih hnuah Mendes album thar, 'Wonder' chu tihchhuah a ni dawn bawk a ni.  

Fans ngah dun ve ve an ni bawk a, an duet tihchhuah tur hi nghakhlel tak tak an tam tawh hle. 

Bieber hian a hma pawhin midang a lo zaipui fo tawh a, a hit thei viau zel bawk. Daddy Yanke leh Luis Fonsi nen 'Despacito' remix an siam tawh a, British singer Ed Sheeran nen 'I Don't Care' tih an sa dun a, Covid-19 lockdown anthem 'Stuck With U' chu Ariana Grande nen sa dunin, Chance The Rapper track thar, 'Holy' ah an thawk dun bawk a ni. 

Mendes hian a bialnu, Camila Cabello nena an sak dun, 'Senorita' chu a hlawhtlin pui hle bawk.