VOLTAS MALSAWMA HOUSE ṬHAZUAL LENGZEM ; Puipuia & Zomuanpuia 'NorthEast 8 Sisters' a chungnung ber

Mizo Idol star Thawhlehna-niropuia leh Zomuanpuia Hmar-te chuan an hla tihchhuah 'NorthEast 8 Sisters' chu Voltas Malsawma House Ṭhazual Lengzem Chart-ah pakhatna an nihpui.

'NorthEast 8 Sisters'
Puipuia leh Zomuanpuia-te hian he hla hi an tihchhuahna pawh a la rei lo. Thla khat awrh liam taah khan an tihchhuak chauh a, mahse Ṭhazual chart lamah ro an rel der. Chuvang chuan an sa mawi ang tih ring tawp mai rawh.

Lalmawizuol (Mawia Art's) hla phuah 'NorthEast 8 Sisters' hi Puipuia leh Zomuanpuia hian an sa thiam a, uluk takin music video an siam. Thla khat chhungin YouTube lamah thlirtu nuai thum chuang an awm der tawh a, pakhatna a ni pawh hi a mak lo.

Chart hmasa lamah khan parukna a ni a, tunah erawh pakhatna rawn ni derin Ṭhazual chart topper ni chak ber zinga mi a nih a rinawm.

Pahnihna leh pathumna ve thung
Ṭhazual chart-a che ṭha ṭhin tak HT Lalthanzami 'Thinlung kawltu' chu palina aṭangin pahnihnaah a rawn invawrh ve bawk. HT Lalthanzami zai thiam zia chu kan hriat sa tawh kha, 'Thinlung kawltu' pawh hi a sa mawi lehpek a, topper pawh a ni thuai dawn niin a lang.

RPA Ralte hla mawi taka satu Elena HT Par 'Kha ni kha' chu pathumna a ni thung. He hla hi YouTube lamah pawh a hit a, pasarihna aṭangin pathumnaah a rawn invawrh a ni.

Hla dang langte chu
Marina Varte 'Pi Pu nunmawi' chu palina a ni a, HT Lalthanzami hla tho 'A der mai maw' chu pangana a ni thung.

Jt Production, Michelle Varte, Fela Colney leh Sammy-te pawh chart top 10-ah an lang a, Ṭhazual Lengzem chart hi a hot chho zel dawn niin a lang.

Ṭhazual Lengzem chart top 10:-
1 Puipuia & Zomuanpuia NorthEast 8 Sisters
2 HT Lalthanzami Thinlung kawltu
3 Elena HT Par Kha ni kha
4 Marina Varte Pi Pu nunmawi
5 HT Lalthanzami A der mai maw
6 Jt Production A thuk tawh
7 Michelle Varte Nachhawkna
8 Fela Colney Pu Ralliantawna kha
9 Sammy Thliah loh pangpar
10 Lowdy ft. JT Production Hun