A fanu phone neih phalsak rih lotu P!nk

A fa upa zawk Willow-i'n ama puala cell phone neih a mamawh thu a sawi chu Pink chuan 'Keimahah engmah a nghawng lo. Engahmah ka ngai lo' tiin a sawi!

American singer Pink khu a fate lakah a strict ve hle niin a lang.

Kum 42 mi singer hi kar hmasa Ningani khan 'Today' show-ah Carson Daly nen an inkawm a, chutah chuan a fanu kum 10 mi Willow Sage chuan ama puala cell phone a la neih loh thu a sawi.

"Puitling tan pawh technology hian ṭhatna leh ṭhat lohna a nei. Naupang tan phei chuan, neih ṭul ka la ti lo.

"Kum 10 mi ka fanu hian phone a la nei lo a, niminah pawh khan,'Ka nu kan class-a mi tam zawk, fifth grade-a mite chuan phone an nei tawh,' tiin a sawi a, keimahah engmah a ngawng lo. Engahmah ka ngai lo," tiin Pink chuan a sawi a ni.

Pink chuan technology naupangte-a khap bur erawh a duhdan a ni bik lo tih a sawi thung a, phone nei turin a fanu chu a la naupang deuh niin a ngai a nih hmel.

Pink, a hming tak Alecia Beth Moore hian tunah hian Instagram lamah follower maktaduai 8.7 zet a nei mek a, a fanu Willow Sage hi a hla lar tak 'Cover Me in Sunshine'-ah khan an thawkdun a, music video-ah pawh khan an lang dun a ni.