Disney Holiday Singalong-ah Julianne Hough, Katy Perry leh BTS

Disney Holiday Singalong-a zai tur zingah Julianne Hough, Katy Perry leh BTS-te hming a ri ring hle a, anni bakah hian P!nk, Andrea Bocelli, Michael Buble, Chloe x Halle, Derek Hough and Hayley Erbert, Adam Lambert, Leslie Odom Jr., leh Kerry Washington-te pawh an inlan dawn.

Tunhnai lawka naute nei thar Katy Perry hian classic hla 'I'll Be Home for Christmas' a sak dawn bakah ama original holiday tune 'Cozy Little Christmas' a sa dawn a, K-Pop superstar BTS chuan 'Santa Claus Is Coming to Town' an sa anga, P!nk chuan 'The Christmas Song (Chestnuts Roasting on an Open Fire)' a sa dawn bawk a ni.

Disney Holiday Singalong hi November 30-a tihchhuah tur a ni a, Julianne Hough hian 'Whistle While You Work' leh 'Let It Snow'-te a sa dawn a, Kerry Washington chuan Joy to the World a sa thung ang.

ET/PM hunah zan dar 8-9 inkara pek chhuah tur Disney Holiday Singalong hi Ryan Seacrest chuan a host dawn a, Disney singalong franchise pathumna a ni tawh dawn bawk. Kumin kumtir lamah khan The Disney Family Singalong leh The Disney Family Singalong: Volume II-te chu Disney hian an lo buatsaih tawh a ni.