Comedian Search 2018 Fiamthu thiam ber Lalchhuansanga

ZIPRO LPS Come­dian Search 2018 chu Zirtawpni zan khan zawh­fel a ni ta a, Lengpui tlang­val Lalchhuansanga chu pakhatna a ni. Pahnihna chu Keifang tlangval Ramngaihzuala niin, Lal­biaktluanga, New Chal­rang chu pathumna a ni.

Ṭum dang ang bawkin final hi zan hnih neih a ni a, YouTube-a liker ngahin point a keng tel bawk. Chutah chuan Republic Venga khawsa mek Lalchhuansanga chuan point hmuh hnem berin, Rs. 100,000 a dawng ta a ni. Pakhatna hnenah hian Samsung 3:16 te chuan TV an pe bawk a ni.

Pahnihna Ram­ngaihzuala leh Lalbiak­tluanga ten Rs. 50,000 leh Rs. 30,000 te an dawng a ni. RC Mobi World te chuan top 3 te hi smart phone an pe ṭheuh a, MN Enterprise-in wall paper an hlan bawk. Heng bakah hian Mag C Agencies te'n water filter an pe ṭheuh a, GIG Motors te'n thilpek an hlan leh dawn cheu bawk a ni.