Ellen DeGeneres Show-ah Lauren Daigle

American gospel singer lar Lauren Daigle chu tun hnai khan 'The Ellen Show'-ah a inlan a, a hla hit 'Still Rolling Stones' a perform.

Grammy-nominated singer Lauren Daigle hian show-a a inlan tur thu hi a lo sawi lang tawh a, a vawi khat nan The Ellen Show-ah hian a inlan ta a ni. DeGeneres chuan Lauren Daigle hi a lo lawm thiam hle a ni a, inkawmna hun ṭha tak an hmang dun a ni.

Kum 27 mi Lauren Daigle chuan, "Pathian thu hi a tam thei ang berin kan puangdarh tur a ni a, Bible pawhin khawvel hmun hrang hrangah a chanchin ṭha hril tur hian min chah a ni," a ti. Zaia rawngbawlna chu chunzawm zel a tum thu leh, tun hnaia a album tichhuah thar chungchang pawh a sawi lang bawk.

Kum 27 mi Lauren Daigle hian September 7 khan a studio album pathumna 'Look Up Child' chu a tichhuak a, a hlawhltinpui chho leh mek. A album hi hralh a kal hle a, a hla zingah hian 'Still Rolling Stones' leh 'You Say' te phei chu a lar vet vet hle.