Zalen taka awm duh Iggy Azalea

Australian rapper Iggy Azalea chuan Island Records nena an thawh­dunna chu a titawp dawn niin an sawi a, zalen taka awm a duh niin an tarlang.

Iggy hi Island Records nena record label-a inremna nei lai an ni a, amaherawh chu zalen taka awm a duh avangin an inremna hi tihtawp a duh niin an sawi. Kum 28 mi chuan, " Island Records hi ka ngaina hle a, amaherawh chu zalen taka awm turin ka inbuatsaih a ngai a ni. Tunah rih chuan inbiakna kan la nei lo a, enge thleng dawn ka la sawi thei rih lo," tiin a sawi. "Kei hi ka chunga thu neitu tur ka ni a, midang thuhnuaia awm reng tur ka ni lo," a ti bawk a, an inremna a tihtawp a rinawm ta hle.

Hetih rual ha rilru sukthlek chu a inthlak ve reng tih sawiin, a tum angin thil a thleng dawn em tih sawilawk theih a nih loh thu a sawi. Black Widow singer Iggy Azalea hi tun lai hmeichhe rapper zingah chuan ngaihven hlawh ber zinga mi a ni a, record label a nei lo a, a duh lam lam hawi theia awm a duh thu a sawi pawh hi mi tam tak chuan thu lawmawm lamah an ngai a ni.