Duchess of Sussex Meghan-i'n New Zealand a fak

Duchess of Sussex Meghan Markle chuan New Zealand sorkar chu hmeichhia te dikna chanvo humhalh kawngah entawn tlak an nih thu a sawi a, hmeichhia te vote thlak tir hmasa ber ram an nih avangin a fak hle.

Prince Harry leh Meghan Markle te chuan tun hnai khan Com­monwealth tour neiin Australia, Fiji, Kingdom of Tonga leh New Zealand te an tlawh a, New Zealand-ah hian Governor-General chenna hmun an tlawh a ni. New Zealand hi hmeichhe vote thlak tir hmasa ber ram zinga mi a ni a, hmeichhia ten vote an thlak aṭanga kum 125-na an lawm mek.

Hei hi Markle chuan fakawm a tih thu sawiin, hmeichhia te dikna leh chanvo humhalh ṭha ber te zinga mi an nih thu a sawi uar hle.

"New Zealand hi hmeichhia te tana rahbi pawimawh tak tuktu an ni a, an thil tih hi khawvel tan a ni," tiin, hmeichia te vote thlak tir kawngah sulsutu an ni thei chu a chhuah thu a sawi.