IG-a follower ngah ber Cristiano Ronaldo

'Queen of Instagram' an tih mai Selena Gomez chuan a cho loh val a tawng a, IG-ah amah aia follower ngah an awm ta tlat mai. Footballer lar Cristiano Ronaldo chuan Instagram-ah follower maktaduai 144.4 zet a nei a, Selena khumin follower ngah ber dinhmun a rawn luah ta a ni.

Kum 33 mi Ronaldo hian October 27 khan Amercan singer Selena Gomez hi a rawn khum a, khawvel mihring piang tawh zinga IG-a follower ngah ber a rawn ni ta a ni.

Football superstar Ronal­do hian kum kua zet a lo khawsak tawhna Real Ma­drid chhuahsanin nipui lai khan Juventus a pan a, hei vang hian follower nasa takin an pun belh a ni. Football khawvela chawimawina sang ber Ballon d'Or ṭum nga lo dawng tawh Cristiano Ronaldo hian follower maktaduai 144.4 a neih lai hian, Selan Gomez hian maktaduai 144.3 a nei a, an inthlau lo hle.

Hetih lai hian American singer Ariana Grande chu Instagram-a follower ngah lamah pathumna a ni a, mi maktaduai 132 chuang zetin an follow a ni. Kim Kardashian (mtd 120) chu follower ngah lamah palina a ni bawk.