Box Office-ah 'Uncharted' bawkin ro a rel leh

Film thar hit tak awm lohna Box Office-ah kar hmasa lama sum lalut tam ber 'Uncharted' bawkin ro a rel chhunzawm leh a, tunkar tawpah erawh Batman a rawn thlawk lut tawh dawn a, Box Office a 'hot' chho leh deuh tawh ang.

'Uncharted' sum lakluh a tam fal
'Uncharted' hi kar tawp liam ta chhung khan theatre 4,275-ah chhuah a ni a, $23,001,773 lai lalutin a dawt chiaha awm 'Dog' nen an sum lakluh a inthlau hle. He film hian North America Box Office aṭangin $83,137,251 a lalut tawh a, ram dang aṭangin $143,000,000 lalut tawh bawkin a sum lakluh tawh zawng zawng chu $226,137,251 lai a ni tawh.

Pahnihna 'Dog' chu theatre 3,827-ah chhuah a ni a, $10,159,283 a lalut. He film hian a sum lakluh tawh zawng zawng chu $32,407,656 a ni a, 'Uncharted' hi a pha lo hle a ni.

'Spider-Man: No Way Home' top 3-ah a la lang
Nikum chhunga film tlangzarh hlawhtling ber 'Spider-Man: No Way Home' chuan $5,801,584 lai lalut lehin Box Office chart-ah pathumna a la ni phak a, Gal Gadot channa 'Death on the Nile' chu palina niin $4,494,226 a lalut thung.

Film thar
Film tlangzarh thar 'Studio 666' chu pariatna a ni a, film thar tho 'Cyrano' chu pakuana a ni ve bawk.

Box Office Mojo chart-ah film 50 lai an dah chhuak ve thei ta a, chung zingah chuan 2022 Oscar Nominated Short Films: Live Action (15), Butter (22) leh The Burning Sea (49) te chu film thar lang zingah an tel ve bawk a ni.

Box Office Top 10:-
1 Uncharted $23,001,773
2 Dog $10,159,283
3 Spider-Man: $5,801,584 No Way Home
4 Death on the Nile $4,494,226
5 Jackass Forever $3,144,917
6 Sing 2 $2,251,150
7 Marry Me $1,887,745
8 Studio 666 $1,540,543
9 Cyrano $1,385,995
10 Scream $1,339,723