Kumin chhung rehab-ah Demi Lovato

American singer Demi Lovato chu kumin chhung rehab-ah a awm tluan dawn nia tarlan a ni.

Kum 26 mi Lovato hi July thla khan ruihlo avangin a talbuai a, thi thaw thanga a awm hmuh a ni. Rang takin hospital-ah dah luh a ni a, a nunna an chhan hman hram. Hospital aṭanga a chhuah hnu hian rehab-ah a lut leh nghal a, thla thum chhuang a awm tawh. Rrehab-ah hian hun rei zawk inenkawl turin a awm dawn a, kumin chhung chu a awm tluan dawn ta a ni.

Demi nu Dianna De La Garza chuan a fanu hian huaisen takin harsatna a hmachhawn tih sawiin, a ṭha chak hle tih a sawi. Rehab-ah hian hun rei zawk a la awm tur thu sawiin, ni 90 chhung vel chu hun a la hmang dawn tih a lo sawi tawh a ni.

'Sober' singer Demi Lovato hi September thla tawp lam khan mipui hmuhah a inlan a, rehab-a a awm hnua a inlan vawi khatna a ni nghe nghe. Mipui hma perform tur em chuan a la inpeih lo thung a, kumin chhung chu a rilru leh taksa uluk zawka inenkawl nan a hmang tluan dawn ta a ni.