Pharrell-a'n a hla play lo turin Trump a ti!

American rapper Pharrell Williams chuan an ram president Donald Trump a vau chher chher mai a, politics leh a kaihnawih thilah a hla lo play ve tawh lo turin a ti!

Donald Trump hian kar kalta Inrinni khan Indiana-a rally buatsaih a hmanpui a, he hunah hian Pharrell Williams hla hit 'Happy' chu play a ni. Hei hi Pharrell Williams chuan a ngaithei vak lo a, Donald Trump chu a hla lo play ve ngawt tawh lo turin a ti ta a ni.

Pharrell-a lawyer chuan, "Pittsburgh-ah mi tam tak kahhlum an ni a, lungngaiin mi tam tak an indawm kun a ni. He thil thleng duh lohna lantira kawngzawh a nih laia 'Happy' lo play hi thil tih chi a ni lo a, phalna pawh an la hma sa lo a ni," tiin a sawi.

Donald Trump hian vaukhanna a lo tawk zauh zauh tawh a, Pharrell Williams hi a tawngchhuak hmasa ber pawh a ni tawh lo. Thla hma lawk pawh khan Prince chuan Trump chu a hla thulkhung 'Purple Rain" lo play sak tawh lo turin a ti tawh bawk.

American rock band lar Aerosmith-a an vocalist Steven Tyler chuan an band remtihna la hmasa lo a an hla 'Livin' On The Edge' play-ah puhin, a lo khing tawh bawk a ni.