Kate Middleton-i'n Tennis a khel!

Prince William leh Kate Middleton te chuan Thawhlehni khan Essex-a tennis zirna hmun Coach Core an tlawh a, naupang tennis khel a hmunah an en. Kate Middleton zawk hi naupangte fuih phur turin court chhungah a pen lut a, a thuam inbel pawh thlak loin a khel ve ta a ni.

Kate Middleton hian nikum pawh khan Lawn Tennis Association hmunpui an tlawh ṭumin tennis hi a lo khel tawh bawk a, Coach Core-ah pawh naupang hmaah a inlan leh ta a ni. A pasal Prince William liam chuan a che vel hi ngun takin a lo thlir a, naupang te pawhin an hlimpui hle a ni.

Kate hian tennis a ngaina hle a, Wimbledon pawh a hmunah vawi eng emaw zat a lo en tawh a ni. Kumin July thla pawh khan Wimbledon hmeichhe final-a Serena Williams leh Angelique Kerber te inkhel kha a laizawn Pippa Middleton nen a hmunah an en a ni.

Hetih lai hian Prince William chuan an fate chu footballer ni tura a duh thu a lo sawi tawh thung a, an game ngainat zawng a inang chiah lo a nih hmel hle.