Mark Wahlberg-a'n inkhawm a ngaipawimawh

A hmel en mai chuan Biak In ngaina hmel pawh a pu lo, mahse inkhawm erawh a ngaipawimawh hle. American actor lar Mark Wahlberg chuan Broadway show-a kal ai chuan inkhawm a thlan zawk ṭhin thu a sawi.

Kum 47 mi Mark Wahlberg chuan, "Rinna leh chhungkua hi ka ngaihpawimawh ber chu a ni. Inrinni zana Broadway show-a kal ai chuan Biak In pan hi nuam ka ti zawk a, ka tih ṭhin dan pawh a ni," tiin, Christian Post-in an interview ṭumin a sawi. Wahlberg hian mal­sawmna a dawn nasat thu leh Pathian hnenah lawmthu sawina tur a ngah thu a sawi uar hle bawk.

'Transformers: The Last Knight' star Mark Wahl­­berg hian chhungkua a ngaipawimawh hle bawk a, a nupui fanau te kianga hun hman chu a thlakhlelh ber a nih thu a sawi.