Mac Miller memorial concert-ah milar an fuan khawm

September 7-a boral American rapper Mac Miller pualin Nilaini khan Los Angeles-a concert buatsaih a ni a, milar tel an ṭha hnem hle.

Chance the Rapper, SZA leh Miguel te chuan he memorial concert hi an khuhhawng a, Mac Miller zahna an lantir bawk. He concert-ah hian American rapper Miller ngai­sangtu mi ṭhahnem tak an pung­khawm a, a puala hun buatsaih hi an hlut hle. He hunah hian Mac Miller-a din Mac Miller Circles Fund (MMCF) pualin sum ṭha­­hnem tak an thawh khawm bawk.

Kum 26 mi Miller hi Sep­tember thla khan Los Angeles-a a chenna inah thia hmuh a ni a, drug overdose nia tarlan a ni. Miller hi American singer Arina Grande nena hun eng emaw chen inzui an ni a, an inṭhen aṭanga thla tam pawh a liam hmain vanduaina a tawk ta a ni. Mac Miller puala hun buatsaih hi - Travis Scott, Ty Dolla Sign, Earl Sweatshirt, Schoolboy Q, Thundercat, Domo Genesis, Dylan Reynolds leh John Mayer te pawhin an hmanpui a ni.