Hla thar nen Slipknot

American heavy me­tal band lar Slipknot chu hun eng emaw chen an reh vang vang hnuah hla thar 'All Out Life' nen an rawn inlar leh ta.

Slipknot hian kum li dawn kal ta khan an studio album pasarihna '.5: The Gray Chapter' an tichhuak a, an reh zui vang vang. Tunah erawh hla thar nen an lo kir leh ta a, fan te tan chuan chanchin lawmawm tak a ni ngei ang.

The Gray Chapter hi an bassist Paul Gray thih hnua an studio album siam leh hmasak ber niin, hla thar nen an rawn chhunzawm leh ta chiah a ni. Paul Gray hi kum 2010 khan a thi a ni.

An band vocalist Co­rey Taylor chuan an hla thar chungchang hi social media lamah tarlangin, "Fan te tan kan hlan a ni. Inpumkhatin lo awm rawh u," tiin a sawi.

Slipknot member te hian an hla thar 'All Out Life' pual hian poster dangdai tak an siam a, Halloween denchenin an incheibawl chiam a ni.