MDM-in zaithiamte hnenah royalty semchhuak leh ta
Music Domain Mizoram (MDM) chuan thla tina an tih ṭhin angin royalty an semchhuak leh ta a, zaithiam mimal leh group 10 chuang hnenah pekchhuah a ni.
September thla royalty dawngte hi mimalah - Grace Lalchhanhimi, Hlimhlimi, Stacy VL Muanpuii, K. Zonunmawii, Jennie Lalruatfeli, C. Vanlalduati, Ampuia Colney, Rachel LAlnunkimi, Manuna & Feli Fanai, Ramdini Fanai, Lalremruata Fanai leh Zauvi te an ni. Group lamah Yuty Bully, Cris Bla7k leh Ado Monos te chuan royalty hi an dawng bawk.
MDM hian kum 2013 aṭang khan an library aṭanga music video hmangtuten an hman man an pek khawm aṭangin thla tin royalty hi an semchuak ṭhin a, hei hi mumal taka kalpui niin zaithiam ten an ṭangkaipui hle. Hei bakah hian MDM YouTube channel aṭanga an sum hmuh chhuah te chu MDM artist te hnenah an sem chhuak ṭhin bawk.