An ramah Shakira-i'n school din dawn

Colombian singer Shakira chuan an ram tan hna ṭha a thawk dawn a, school pahnih din turin hma a la mek.

Shakira hian Zirtawp­ni khan Colombia-a khawpui pakhat Carta­gena chu a tlawh a, school sakna tur lungphum a phum a ni. He school-ah hian zirlai 1,000 vel awm thei tura ngaih a ni. Hei bakah hian a sei lenna Barranquilla-ah pawh school dinna tur lungphum hi a phum bawk a ni.

Shakira hian kum 1997 daih tawh khan Bar­ranquilla-ah hian naupang retheite enkawlna turin 'Pies Descalzos' foun­dation a din a, naupang ṭha hnem tak an enkawl a ni. Pies Des­calzos foundation hian school pathum a enkawl mek a, school thar tur pahnih nen hian school panga lai an enkawl dawn tihna a ni.

Shakira hian Ger­many, Brazil leh United States tlawhin thla nga chhung tour a nei a, a sum hmuhchhuah te hi pumbilh mai loin naupang chanhai zawkte tan a hmang dawn a ni.