Kum 2017 hnua a vawi khatna atan The Chicks an tour dawn

Dixie Chicks tia kan hriat lar, 'The Chicks' tia an hming thlakta te chuan hun eng emaw chen an tour tawh loh hnuah thu thar neiin, kumin nipui chhung hian North America-ah tour an nei dawn tih an puang.

Kum 2017 hnuah The Chicks hian tour an la nei leh loa, kuminah erawh Natalie Maines, Martie Maguire leh Emily Strayer-te chu hmun hrang hrangah zaiin an inlan kual leh dawn ta a ni.

Kum 2020-a police kuta George Floyd a thih hnu khan American country music band lar Dixie Chicks chuan an hming chu The Chicks tiin an thlak a ni. Grammy award 13 lai an dawn tawh bakah hmeichhe band album hralh tam ber zinga mi an ni bawk.