Indiana Jones 5 an chang zo

Harrison Ford inlan lehna tur Indiana Jones 5 chu an chang zo tawh a, nakkum June-ah tlangzarh a ni dawn.

Film producer Frank Marshall chuan kar tir lamah khan Twitter kaltlangin hemi chungchang hi puangzar a, Indiana Jones fan-te tan chuan thu lawmawm tak a ni ngei ang.

Indiana Jones 5 hi Logan lama a sulhnu kan hmuh tawh James Mangold chuan a direct a, Mangold, Jez Butterworth, leh John-Henry Butterworth-te chuan script an ziak ho a ni. Kum 2008-a tihchhuah 'Kingdom of the Crystal Skull' chhunzawmna kha a ni a, a film palina director Steven Spielberg pawh he project-ah hian thuk takin a inrawlh nghe nghe.

Harrison Ford bakah hian Phoebe Waller-Bridge, Mads Mikkelsen, Thomas Kretschmann, leh Antonio Banderas-te pawh he film-ah hian an inlan a ni. June 30, 2023-ah tlangzarh a ni ang.