Apple-in Russia rama an product zuar rih dawn lo

Apple company chuan Russia ramah an product zawng zawng an zuar rih dawn loa, an service dangah pawh khuahkhirhna an siam dawn.

iPhone giant chuan Russia-in Ukraine a rûn chu an la thutak hle tih sawiin tharum thawhna tuartute chu an tawrhpui hle tih an sawi a, Apple Pay mai bakah service dang Apple Maps angahte pawh khuahkhirh chin an siam dawn tih an sawi.

Kar hmasa lamah khan Ukrainian Vice Prime Minister Mykhailo Fedorov chuan Apple hnenah hian open letter thawnin Apple chu Russia rama an thil zawrh leh an service-te titawp turin a lo ngen tawh a ni.

Apple hma hian Google leh Meta lam pawhin Russia lakah hian an service khuahkhrihna an lo siam tawh a, Russia state media ads-te pawh an lo khap tawh bawk a ni.