Tan-ina hun hmang thei dinhmuna ding Lil Wayne

Lil Wayne chuan thubuai rit tak nei mekin he thubuaiah hian thiam loh a chang a nih hlauh chuan kum 10 chhung lai tan-inah hun a hman a ngai mai thei!

Nikum December thla khan federal agent-te chuan Lil Wayne private thlawhtheihna Miami-Opa Locka Executive Airport, Florida-a mi chu dapin hetah hian ralthuam leh ruihhlo an man a ni. Khatih hunlai khan amah ngei pawh hi thlawhtheihnaah khan a chuang a, a attorney Howard Srebnick chuan kha thubuaiah khan a him niin a lo sawi tawh thung.

Florida Southern District US Attorney chuan tunhnai khan Lil Wayne thubuai hi bawhzui lehin ralthuam kawlah a puh a, he thubuaiah hian thiam loh a chang a nih hlauh chuan kum 10 chhung tal chu tan-inah hun a hman a ngai dawn.

Srebnick chuan TMZ hnenah hemi chungchang hi sawiin December thla khan Lil Wayne a hming tak  Dwayne Carter, Jr luggage-ah handgun gold-plated mana puh a nih thu sawiin, chu silai chu a hmet puak ngei emaw, a lek chhuak emaw, a hmang emaw, midang vauna atan a hmang emaw nia puhna engmah a awm lo a ni, a ti. 

"Mi hlauhawm a ni tia puhna engmah a awm lo bawk a, hun kal tawhah khan felony nia puh a lo ni tawh avangin ralthuam a kawl phalsak a ni lo a, chuvang chuan tuna thubuai pawh hi a nei a ni," tiin a sawi.

Dwayne Carter thubuai hi thlaleh hian court-ah ngaihtuah a ni ang.