Zaithiam ten Donald Trump an nek chep

Zaithiam lar tak tak ten an hla play an phal sak tak loh avangin, US president Donld Trump chuan a playlist a thlak a ngai fo dawn a nih hmel hle. Rihanna leh Pharrell Williams te chuan Trump hi an hla lo play ve ngawt tawh lo turin an hrilh tawh a, Guns N' Roses pawh an bang chuang lo bawk.

Donald Trump hi US president candidtae a nih aṭang tawh khan zaithiam lar tak tak te nen an lo inkap zauh zauh tawh a, president a nih hnuah pawh a la danglam chuang lo. Zaithiam ṭhenkhat chuan Trump hi politics thila punkhawmnaah an phalna la hmasa loa an hla play ṭhinah an puh a, titawh lo turin an ngen a ni.

Rihanna leh Pharrell Williams te chu Trump-a nekcheptu zinga mi an ni a, an hla play an phalsak tawh lo. American rapper Pharrell Williams hian a hla hit 'Happy' chu a phalna la hmasa loa play tawh lo turin a hrilh.

Hetih lai hian Guns N' Roses pawhin Trump-a tana thu hriat nuam lo tak an sawi chhuak a, politics kaihnawiha an phalna la hmasa loa an hla lo hmang ṭangkai tawh lo turin an hriattir a ni. American rock band lar Aerosmith-a an vocalist Steven Tyler pawhin Trump hi an band remtihna la hmasa lo a an hla 'Livin' On The Edge' play-ah puhin, a lo khing tawh bawk a ni.