Delhi boruak bawlhhlawh a zual zel 'Very poor category'-ah awm!

Delhi khawpui boruak bawlhhlawh chuan zual lam a pan zel a, mihring hriselna atan pawha hlauhawm 'very poor' caterogy-ah a awm mek.

Delhi khawpui boruak bawlhhlawh hian harsatna tam tak a thlen a, mipuite pawn chhuak lo tura tih an ni hial. Tunkar Thawhlehni pawh khan Air Quality Index (AQI) chu 394 a la ni a, hei hi mihring hriselna atan pawha hlauhawm a ni. Central Pollution Control Board chuan kumina AQI san ber ṭum chu 434 a nih thu an sawi a, mipuite chu fimkhur turin an chah a ni.

Central Pollution Control Board (CPCB) chuan khawpui boruak bawhhlawh zelna chhan pakhat chu motor khu a nih thu an sawi a, construction activity te bakah a chheh­vela lo neitute lo hal khu te an tel thu an sawi. Delhi leh National Capital Region-ah chuan boruak bawlhhlawlh hi a la zual zel dawn niin a tarlang bawk.

Central Pollultion Control Board chuan mipuite chu November 1-10 chhunga insawizawi tura tlanchhuak lo tur leh, public transport hmang lo turin hriattirna an lo chhuah tawh bawk.