Billboard ; Encanto bawk Encanto bawk

Billboard 200 chart-ah 'Encanto Soundtrack' bawkin ro a rel leh a, vawi sarih chart chung bera a dinna a ni tawh. The Hot 100 chart lamah pawh Encanto soundtrack-a mi 'We Don’t Talk About Bruno' tho pakhatna a ni leh.

Kum nga chhunga Billboard 200 chart topper ni ngun pathumna chu 'Encanto Soundtrack' hi a ni.

US mipuite'n Encanto soundtrack an ngaithla kham thei lo
Encanto soundtrack chu kar sarih (a zawn loin) Billboard 200 chart-ah topper a ni ta. Kum khat dawn chu hetiang anga chart topper ni ngun album hi a awm tawh loa, nikum Jan. 23 - March 27 inkarah khan 'Morgan Wallen 'Dangerous: The Double Album' chu kar 10 pakhatna lo ni tawhin hemi hnua pakhatna ni zing ber chu Encanto soundtrack hi a ni ta.

Kum nga liam ta chhung khan Encanto soundtrack aia Billboard 200 chart topper ni ngun album pahnih chiah a la awm a, chu chu 'Dangerous: The Double Album' leh Taylor Swift Folklore (kar riat)-te kha an ni.

Kar hmasa khan MRC Data aṭanga a lan dan chuan US-ah 'Encanto Soundtrack' hian equivalent album units 90,000 lai a la hmu chhuak a, vawi maktaduai 114.67 vel zet chu he album hi on-demand official stream lamah an la stream niin an chhut. Album sales aṭangin EAU 11,000 a la hmu chhuak bawk.

The Hot 100 chart lamah pawh Encanto soundtrack-a mi 'We Don’t Talk About Bruno' bawkin ro a rel leh a, kar nga zet chu he hla hi chart topper a ni tawh.

Carolina Gaitán, Mauro Castillo, Adassa, Rhenzy Feliz, Diane Guerrero, Stephanie Beatriz & Encanto Cast 'We Don’t Talk About Bruno' hi Disney movie hla Hot 100 chart-a pakhatna ni ngun ber record chelh mektu a ni tawh a, chu a record chu a pawhsei belh leh ta a ni. Kar hmasa chhung khan he hla hi US-ah chuan vawi mtd 29.9 vel an stream a, radio airplay audience impression mtd 7.9 vel nei anga chhut niin sum senga download 6,600 lai an la awm bawk niin MRC Data chuan a tarlang.

Hla lar dang sawi ang
Glass Animals hla 'Heat Waves' pawh a la lar chhunzawm zel a, Hot 100 chart lamah pahnihna a nih bakah Billboard Global 200 chart lamah pakhatna a ni.

GAYLE 'abcdefu' pawh khawvela hla lar ber pawl la ni zelin Billboard Global Excl. US chart-ah pakhatna a ni a, Billboard Global 200 chart-ah pathumna niin Hot 100 chart-ah pawh pathumna tho a ni vel leh bawk.

Artist 100 chart topper Ed Sheeran
British singer Ed Sheeran chu Artist 100 chart-ah topper a ni. Sheeran hi he chart-ah hian vawi 14 lai pakhatna a ni tawh.

The Weeknd chu pahnihna ni thungin Adele chu pathumna a ni a, Doja Cat leh Drake chu palina leh pangana an ni ve bawk.

Billboard 200 chart top 10:-
1 Encanto Soundtrack
2 DS4EVER Gunna
3 Dangerous: The Double Album Morgan Wallen
4 The Highlights The Weeknd
5 Sour Olivia Rodrigo
6 2 Alive Yeat
7 Certified Lover Boy Drake
8 Planet Her Doja Cat
9 Curtain Call: The Hits Eminem
10 30 Adele

The Hot 100 top 5:-
1 We Don't Talk About Bruno Carolina Gaitán, Mauro Castillo, Adassa,
Rhenzy Feliz, Diane Guerrero,
Stephanie Beatriz & Encanto Cast
2 Heat Waves Glass Animals
3 abcdefu GAYLE
4 Easy On Me Adele
5 Super Gremlin Kodak Black