Spotify-in Russia rama an office khar

Spotify chuan Nilaini khan thuchhuah siamin Russia rama an office chu tiam chin awm loin an khar.

Kar hmasa lama Russia-in Ukraine a rûn aṭang khan khawthlang ram lama sorkar hotute chuan company hrang hrang chu Russia rama Putin chet dan dodal turin an ngen a, Apple, Facebook leh Google-te'n hma an lak hnuah Spotify pawhin thuchhuah siamin Russia ramah office an khar thu hi an puangzar ve leh ta a ni.

"Kar liam ta aṭanga kan ngaihpawimawh ber chu kan hnathawkte himna a ni a, chu bakah chuan Spotify hi thupawimawh hriat a ṭul huna khawvel pum leh regional news atana hman theih a ni," tiin thuchhuah an siamah chuan an tarlang. Indona ṭan a nih hnu khan an content sang tam tak chu an ennawn tih sawiin Russian state-affiliated media show -te chu an khuahkhirh tawh tih an sawi bawk a ni.