'Gladiator' film an siam thar leh dawn

Kum 20 dawn kal ta vela film lar tak ni ṭhin 'Gladiator' chu siam thar a ni leh dawn niin khaw­thlang media te chuan an tarlang.

Gladiator 2-ah hi Ridley Scott chuan an buaipui leh dawn a nih hmel a, a changtu ngai Russell Cro­ween a inlan dawn bawk niin, Hollywood Reporter chuan an tarlang. Ridley Scott leh Russell Croween te thawkdun leh tur ringawt pawh hi en ti­chak­awm zualtu a ni ngei ang.

English film director lar Scott hi director a ni dawn a, ani hi nikuma film lar tak Blade Runner 2049 siamtu kha a ni a, a theuneu lo khawp ang le. Gladiator 2 hi Lucius chanchin tarlanna a ni leh dawn a, Hunger Games: Mockingjay ziaktu Peter Craig chuan a script a ziak dawn a ni.

New Zealand lam chhuak Russell Croween channa Gladiator hi kum 2000 khan tihchhuah a ni a, a hit rem rem hle. Box Office aṭanga sum lakluh ringawt pawh $mtd 460 zet a ni a, Oscar-ah nomination 11 zet a hmu bawk. Galdiator 2 siam hna hi an ṭan der tawh niin an sawi a, tlangzarh hun tur erawh rhiat a la ni lo.