Christian music news ; Elevation Worship album thar 'LION'

Worship music lam tuipuitute tan thu lawmawm tak hriat tur a awm e. Worship band lar, Grammy nominee hial ni tawh leh GMA Dove Award eng emaw zat dawng tawh Elevation Worship chuan an album nghahhlelhawm tak 'LION' chu Zirtawpni liam ta khan an drop.

Elevation Worship album tharah hian hla 15 a awm a, Mizo ṭawnga lehlin tur hla ṭha tak tak a awmin a rinawm a, khawthlang ram lamah phei chuan he album-a hlate hi Biak-in lamah pawh an sak nasat leh viau a rinawm.

'LION' hi live album a ni a, Elevation Worship live album 10-na niin Elevation Worship Records leh Provident Label Group kaltlangin an tlangzarh a ni.

Album an tihchhuah hma hian single-in hla pali 'Might Get Loud', 'Same God', 'What I See', leh 'This Is the Kingdom' -te chu an tichhuak tawh a, April thla tawp lam aṭangin Pastor Steven Furtick hoin tour an nei dawn bawk a ni.