'I Am Legend' chhunzawmna...

Kum 2007-a tihchhuah daih tawh, post-apocalyptic action thriller film, Will Smith-a channa 'I Am Legend' chu a chhunzawmna an siam dawn a, Will Smith bawk a inlan leh dawn bakah Michael B. Jordan pawh a inlan dawn niin an sawi.

Hemi chungchang tarlangtu Deadline chuan heng lemchan thiam pahnihte hi producer an ni nghal dawn bawk a, an thawhdun vawi khatna tur a ni bawk.

Plot details tarlan ala ni loa, a film hmasa script ziaktu zinga mi Akiva Goldsman chuan script a ziak dawn niin an sawi a, director tur erawh an la sawi lang lo thung.

Smith leh Jordan-te pawhin he news hi a dik a ni tichiang tawhin project-ah hian an tel ngei dawn a ni tih an puangzar ve ve tawh bawk a ni. 'I Am Legend' film kha $mtd 150 vel senga an siam niin Box Office aṭangin $mtd 585.4 lai a lalut a, a hunlai khan critics lam pawhin an fak viau nghe nghe.