'Alien' film thar an siam leh dawn

Sci-Fi film lar tak ṭhin 'Alien' chu an thar thawh leh dawn a, Uruguayan Filmmaker Fede Alvarez chuan he project hi a buaipui dawn.

'Don't Breathe' director hian a direct dawn mai bakah script a ziak dawn bawk a, Hulu lama chhuah tur niin The Hollywood Reporter chuan Zirtawpni liam ta khan hemi chungchang hi a puangzar a, Ridley Scott chu produce tur zingah a tel tih an tarlang tel bawk. Ridley Scott hi Sci-Fi horror film 'Alien' original movie director a ni a, kum 1979-a a tihchhuah daih tawh kha ni mah se vawiin thlengin ngaihven a la hlawh. Sci-Fi lamah sulhnu a hnutchhiah ṭha a, 'Prometheus' pawh kha a kuthnu a ni bawk.