Voltas Malsawma House Ṭhazual Gospel Chart chung berah Lalthansangi 'Pathian angchhung thianghlimah'

Voltas Malsawma House Ṭhazual Gospel chart-ah Lalthansangi chuan a hla 'Pathian angchhung thianghlimah' chu pakhatna a nihpui.

'Pathian angchhung thianghlimah' a mawi
Lalthansangi hian 'Pathian angchhung thianghlimah' hi January thla tawp lamah khan a tichhuak a, a YouTube channel lamah dah chhuakin tunah hian YouTube lamah thlirtu nuai chuang an awm tawh.

He hla hi Thanga lehlin niin a hla hi chu kan hriat tawh sa ṭheuh pawh a nih a rinawm. Mizo rilrem zawng tak hla niin Lalthansangi hian a sa thiamin a sak awm tak pawh a ni. Chart hmasa lamah khan palina a ni a, tunah erawh nasa taka hma rawn sawnin pakhatna hial a rawn ni ta.

Pahnihna leh pathumna
January thla tawp dawna Rka Boihtlung tihchhuah 'A ko che' chu pangana aṭangin pahnihnaah a rawn inhlangkai ta. Rka zai thiam zia kan hre tawh a, music video hmuhnawm tak leh changkang tak nena a tihchhuah 'A ko che' hi chart topper a ni thei dawn em tih hriat a chakawm tawh viau mai.

Bethsy Lalrinsangi hla thar 'Nang chawimawi nan' chu pathumnaah a rawn inhlangkai ve bawk.

Chart-a hla langte chu
Immanuel Lalnunsanga 'Ka zawng zel dawn' chu palina a ni a, Lalthansangi hla tho 'A chatuan ro luah tumin' chu pangana a ni.

Nghaktea Fanai, C. Muani, Lalhminghlui, Vanlalzawmpuii Hrahsel leh Maruati-te chu top 10-ah an lang ve bawk.

Ṭhazual Gospel chart top 10:-
1 Lalthansangi Pathian angchhung thianghlimah
2 Rka Boihtlung A ko che
3 Bethsy Lalrinsangi Nang chawimawi nan
4 Immanuel Lalnunsanga Ka zawng zel dawn
5 Lalthansangi A chatuan ro luah tumin
6 Nghaktea Fanai I ropui an hril
7 C. Muani I ropui ber e
8 Lalhminghlui (Hminghmingi) Kan thleng thuai dawn e
9 Vanlalzawmpuii Hrahsel I siamtu hrereng rawh
10 Maruati Ka thlang nawn zel fovang che