Nunui'n 'New Age Baleno' a tlangzarh

R Lalnunthari (Nunui), Femina Miss India Mizoram 2019 chuan nimin khan NEXA Showroom, Ṭhuampui, Aizawlah 'New Age Baleno' a tlangzarh.

'New Age Baleno' tlangzarh inkhawm hi NEXA Territory Sales Manager Brahmendra Chandrapati chuan hmanpuiin Lalrawngbawla, Founder MiMSA chuan product review a nei a ni.

Lalrawngbawla chuan,"Baleno hi history ropui deuh nei car a ni. Model hmasa kha October, 2015-ah India ramah tlangzarh a ni a, kum 2020 a nih meuh chuan nuai 10 an hralh hman," tiin Baleno model hmasa hlawhtlin thu a sawi a, nuai 10 hralh tling rang record hial an siam thu sawiin a hmel landan erawh model hlui ngainatu an la tam avangin an thlak nasa lem lo a ni, a ti.

A hma aiin safety lam an an ngaihpawimawh avangin a rit sawt thung a, "Car ṭha tak nisa tawh kha a aia ṭhain an thuam," a ti bawk. A hmasa aia a danglamna lian ber pakhat chu a suspension a nih thu sawiin a head light pawh a danglam hret a, ama segment car danga awm ve lo technology ṭha tinreng bilh a ni, tia sawiin head up display changkang tak a rawn hmang bawk tih a sawi. Hydraulic clutch system thar a hmang a, chu chuan khalh a tinuam hle a, mi thiam zawkte chuan a 'break' an fak hle bawk. A hma aiin a engine in petrol a heh lo zawk bawk a ni, a ti.

'New Age Baleno' hi variat pasarih a awm a, Rs. 689126.06 aṭanga Rs. 1017788.07 inkarin lei tur a awm a ni.

'New Age Baleno' specs
Length (mm) 3990
Width (mm) 1745
Height (unladen) (mm) 1500
Wheelbase (mm) 2520
Seating Capacity 5
Engine Capacity (cc) 1197
Max Power (kW@rpm) 66/6000
Max Torque (Nm@rpm) 113/4400
Number of Cylinders 4
Fuel Tank Capacity (L) 37
Front Brakes Disc
Rear Brakes Drum