Daddy Yankee hla thar 'Adictiva'

'Despacito' hla avanga khawvelin a hmelhriat Puerto Rican singer Daddy Yankee chuan hla thar 'Adictiva' chu Ningani khan a tichhuak. He hla-ah hian rapper Anuel AA nen an thawk dun a, YouTube lamah en a hlawh nghal hle.

Daddy Yankee hian a hla thar chungchang hi Nilaini khan a lo tarlang tawh a, Puerto Rican rapper Anuel AA nen an thawhdun thu pawh a sawi lang zauh a ni. Social media lama a tarlan tukah kumina a music video pahnihna 'Adictiva' hi a tichhuak zui zat a, a hit leh viauin a rinawm.

Kum 41 mi Daddy Yankee hian kum tir khan 'Dura' a lo ti­chhuak tawh a, Hot Latin Songs chart-ah No.2 a kai hial. YouTube lamah pawh mi tluklehdingawn 1.1 chuang zetin an en tawh a ni.