BTS show an cancel sak

Korean boy band BTS chu Japanese TV show-a inlan tura tih an ni a, mahse an member pakhat Jimin t-shirt hakah US-in Japan a bomb kaihnawih inziak a awm avangin cancel sak an ni.

Indopui II-na hunlai, August 6, 1945 khan US chuan Japan khawpui Hiroshima leh Nagasaki-ahte nuclear bomb a thlak a, mi 140,000 vel zet an thi anih kha. He thil thleng avang hian Japan sorkar chu Indopui II-naah hian a tlawm phah a, mi tam takin an tawrh phah bawk. He thil thleng hriatrengna leh mitthi te sunna hun hi kumtin hman ṭhin a ni a, Japan mipuite chuan an la urhsun hle a ni.

Hetiang anih lai hian BTS member zinga pakhat Jimin chuan he thil thleng hriat chhuah theihna ninawm tak chuanna t-shirt a ha a, hei vang hian an programme hi an cancel sak ta a ni. He thil avang hian BTS chuan ngaihdam an dil nghal a, Japan mipuite hriatthiamna an ngen tih an sawi a ni.

BTS te hi ruahman dan chuan nimin khan TV Asahi Music Station show-a inlan tur an ni a, mahse he thil thleng avang hian show neih hun tur hi an cancel ta a ni. Hetih rual hian TV Asahi chuan show hi cancel a nih loh thu an sawi thung a, engtikah nge an neih leh dawn tih erawh an tarlang lo.