December 14-ah Mizo Dance Camp Winter Showcase

Mizo Dance Camp (MDC) chuan kum danga an lo tih ṭhin tawh angin December 14 hian Chanamri YMA Hall-ah Winter Showcase an buatsaih leh dawn.

Mizo Dance Camp Winter Showcase-ah hian lam chi hrang hrang hmuh tur a awm dawn a, MDC Team Choreographer ten an choreography hmangin ennawm an pho­chhuak dawn a ni. He Winter Showcase-ah hian MDC-a lam zir mekte bakah, Guest performer dangdai leh hmuhnawm tak tak a awm dawn bawk a ni.

He hun denchhen hian Dance cover contest buatsaih a ni dawn bawk a, choreo hrang hrang - Hollywood, K-pop, leh Bollywood thlengin a leng vek dawn a ni. Video siama submit a ngai thung dawn a, lawmman pawh ṭha tawk tak siam a ni ang.

Mizo Dance Camp Winter Showcase hi changtlung taka buatsaih tum a ni a, entry fee Rs. 50 niin, MDC Studio-ah lei theihin a awm a ni.