Robin Thicke in a kang chhia

Kar kalta Ningani aṭang khan California-ah kangmei nasa tak a chhuak a, hei hian Malibu-a Robin Thicke-a in pawh a man kai tih khawthlang media te chuan an tarlang. Inkan lai hian a chhungah awm an awm lo nia hriat a ni a, thi leh hliam pawh an awm lo a ni.

American singer Robin Thicke hian Mali­bu-ah hian in a nei a, hei hi kangmei kalzel hian a man ta a ni. In leh bungraw kangchhe hlut zawng hi hriat mai theih a la ni lo. Hemi chungchang hi Robin Thicke-a kawppui April Love Geary chuan Zirtawpni khan social media lamah a tarlang a, "Malibu khawpui chu meikhuin a khat a ni" tiin a sawi.

California-a kangmei chhuak hi ṭhelh nih a la nih loh avangin mi tam tak hmun himah sawn an ni tawh a, in leh lo a kangchhe hnem tawh hle. Nunna chan pawh an pung chho zel a, dinhmun hlauhawm takah mi tak tak an ding mek a ni.

Hetiang a nih mek lai hian - Lady Gaga, Kim Kardashian, Alyssa Mila­no, Rainn Wilson leh Caitlyn Jenner te pawhin himna zawngin an in leh lo an chuahsan tih an sawi.

Katy Perry chuan US president Donald Trump chu he kangmei chhuak ngaihsak loah a lo puh ve mek bawk a, chak taka hma la turin a ngen a ni.