Hontrade International Ṭhazual Lengzem-ah Zauvi hun a thleng ta
Hun eng emaw chen Hontrade International Ṭhazual Lengzem chart-ah a hmel kan hmuh hnuin Zauvi chuan 'Ṭhenrual Hlui' tih hla hmangin dinhmun sang ber a rawn luah ta.
Zauvi hi 'Ṭhenrual Hlui' music video a siam hnuah lawkah chart-ah a rawn inlar a, zawi zawia hma sawnin No.1 hi a kai ta a ni. A hla a nalh a, thlan hlawh ber a ni pawh hi a mak lo. He hla hi Patea Khiangte phuah niin, video hi Siama (SVP) kutchhuak a ni.
Manuna leh Feli Fanai ten an dinhmun sawhnghetin pahnihna an hauh a, pathumna chu Rachel Lalnunkimi a ni. Rachel-i hian a music video thar 'Mai a lum e' tih hmangin hun eng emaw chen No.1 a hauh a, tunlai lengzem hla lar ber te zinga mi a ni.
Mizo Idol star Mathlenga chu pali-na a ni a, Zorinzuali Khiangte chu top 5-ah a inhlangkai leh tawh bawk. Zorini hian tun a hla hit 'Min hnawl si maw' tih chu a hlawhtlinpui hle a ni.
Thiamchantira chuan 'I zun ngaiha hi' tih hla hmangin parukna a luah a, Marina V. Varte chu pasarihna a ni. Marina-i hian tun hnai khan 'Zawlpala leh Tualvungi' tih hla chu muisc video-in a rawn siam a, a lar chho leh mek a ni.
Top 10-ah hian Essy, Mimi Lalhruaitluangi leh Elicy Khuhly te chu an lang bawk.
Hontrade International Ṭhazual Lengzem Top 10
1. Zauvi - Thenrual Hlui
2. Manuna & Feli Fanai - I leng dun zel ang
3. Rachel Lalnunkimi - Mai a lum e
4. Mathlenga - Tawn thar D
5. Zorinzuali Khiangte - Min hnawl si maw
6. Thiamchantira - I zun ngaiha hi
7. Marina V. Varte - Zawlpala leh Tualvungi
8. Essy - Hringnun
9. Mimi Lalhruaitluangi - Hrangmi Huaisen
10. Elicy Khuhly - Hal lo te'n