Esther Lalrinhlui Ralte Music video thar chu hei le!

Esther Lalrinhlui Ralte (Es-i) chuan a official music video hmasa ber 'Kan ram dam nan Krista chauh' tih chu a nizan khan a tichhuak ta.

Esther-i hla thar hi Kari Jobe hla 'Heal Our Land' lehlin niin, ama lehlin a ni nghe nghe a, a thluk pawh a mawi dalh dalh hle. A hlathu a ṭhain sakpui nuam tur tak a ni a, a lar chho viau a nih pawhin a mak lo ang.

Recording-a a musi­cian te hi Project Heal our Land, Venghnuai te niin, anni nen hian he hlaah hian an thawk ho a ni. Video pawh uluk taka siam niin, hetiang lama hnuhma nei ṭha berte zinga mi Chiangtea Videography kutchhuak a ni.

Recording hi Kings and Prophets-ah tih niin, wardrobe hi Sangboihi Hnamte a ni. Ani hian Esi music video hi a sponsor nghal bawk.

Chaltlang nula Esther-i music video thar hi nizan khan YouTube-ah upload a ni a, local channel lamah tihchhuah a ni dawn em hriat a la ni lo thung.