Naupang damlo te tan Zo Ri-mawi International luang chhuak

Zo Ri-mawi International (charity group) chuan Child­ren in Need Charity Mobile Concert an neih aṭanga an sum hmuh tlingkhawm aṭang­­­­in naupang damlo hnenah Pathianni khan ṭanpuina an hlan. He hunah hian founder President Lalrozama Ralte leh member ṭhahnem tak an thawk chhuak a, Hospital pahnih-ah ṭanpuina hi an hlan a ni.

Zo Ri-mawi International member te hian Kulikawn leh Falkawn Referal Hos­pital-a naupang damlo te hnenah thilpek hi an hlan a, naupang ward-a damlo zawng zawng an kan kual a ni. Heng ṭanpuina sum te hi charity mobile Con­cert an buatsaih aṭanga mi inphalte thilpek tlingkhawm a ni a, an niin naupang damlo te hnenah an hlan chhawng ve leh a ni. He hun hi Tahan a­ṭang pawhin an life member ṭhenkhat ten an rawn chhim a ni.

Children in Need director Jimmy L Pachuau chuan, Zo Ri- mawi International te hian kum khatah charity mobile concert vawi hnih an neih ṭhin thu sawiin, cancer nanta veite leh naupang ṭanpui ngaite puala buatsaih ṭhin an nih thu a sawi.

Zo Ri- mawi International hian National Childrens Day denchhenin November 14 hian Chanmari leh Bazarpui-ahte charity concert an buatsaih leh dawn bawk. Hei bakah hian nakkum February 4 khian World Cancer Day pualin cancer veite ṭanpuina turin con­cert buataih leh an tum bawk.