Sawmtea'n music video thar a peihfel leh ta

Ṭhazual Award bakah Zoram rimawi khawvela chawimawina hrang hrang lo dawng tawhtu Sawmtea Chhangte chuan music video thar a peih fel leh ta reng mai.

Sawmtea music video thar hi 'Ka lawm em e' tih a ni a, Zonet local channel leh YouTube lamah te hmuh tur a awm thuai dawn a ni. He hla hi Lalnunzira phuah niin, Foster Recording-ah record a ni. Video mawi taka siam saktu hi Chiangtea Videography a ni a, a tihmuhnawm zual tur hian a karah lam mawi tak tak zeh tel a ni.

Sawmtea Chhangte hian kuminah music video a tichhuak deuh mawlh mawlh a, tunlai gospel singer zingah chuan thawm nei lian ber te zinga mi a ni. Tun ṭuma a hla thar hi 'hot' leh lampui nuam tur tak chi a ni a, naupang leh tleirawl te ngainat tur chi tak ani. Krismas leh concert nikhua pawha lampui theih tur a ni bawk.

Sawmtea hian Vulmawi Award, Moonlight Award leh Ṭhazual Award te a lo dawng tawh a, gospel singer zingah pawh sawm hlawh ber te zinga mi a ni. Kumina award sem tur hrang hrangah pawh perfrom tur zingah a tel bawk.