Puma brand ambassador thar Dua Lipa

Sports brand lian Puma chuan Thawhlehni khan tunlai khawvela pop star langsar ber zinga mi Dua Lipa chu an company brand ambassador a nih dawn thu an tarlang.

Dua Lipa hian Puma hi khawvel puma hmeichhe kaihhnawiha an sum­dawnna kawngah a thawhpui dawn a, hmeichhiate rilru hneh theihna turin campaign leh hmalakna dangahte a telpui ṭhin  ang.

Nakkuma Puma “She Moves Us” campaign-ah pawh headliner a ni nghal dawn a, hei hi sport leh culture kaltlanga hmeichhiate dinhmun chawisanna leh thlunzawmna kawnga hmalakna a ni dawn.

'Don't Stop' singer pawh hian twitter-ah Puma nena an thawhdun tur thu tarlang ve bawkin phurawm a tih tawh thu a sawi a, Puma thawmhnaw inbela a selfie-na thlalak a tarlang tel bawk.

Puma hian Lipa "Studio 2054" virtual performance pawh an sponsor nghal dawn a ni. 

Kumin kumtir lam khan Puma hian India bollywood star Kareena Kapoor Khan chu an brand ambassador a nih thu an lo puangzar tawh a, Sunil Chhetri pawh nikum kum tawp lamah khan an brand ambassador a nih thu an lo puang tawh bawk a ni.

Anni bakah hian Jay-Z, Selena Gomez, Usain Bolt leh The Weeknd-te pawh Puma hian an lo thawhpui tawh a, Dua Lipa hi an chhungkuaah an lawmlut ve leh ta a ni.