Ranveer leh Deepika-te'n 'Tiam tlat e' an ti ta

Bollywood star Ran­veer Singh leh Deepika Padukone te chuan an ṭhian ṭha leh laina hnai zualte hma-ah nimin khan 'Tiam tlat e' an ti ta.

Ranveer leh Deepika te hi Villa del Balbianello, Lake Como, Italy-ah an inkutsuih a, an hnam dan ve vein an inei ang. Nimin khan Kannadiga Style-in an innei a, vawiinah Sikh sakhaw dan 'Anand Karaj' in an kutsuih leh dawn a ni. Inneih ceremony hian ni hnih a awh dawn a, an sakhaw danin an innei ve ve dawn a ni.

An inneihna hmun Villa del Balbianello hi tuipui kama awm niin, room 75 zet a awm. Room pakhat hi India pawisa chuan Rs. 33,000 man zel a ni a, ni khata an senso tur hi Rs. 24,75,000 zet a ni. He resort hi November 17 thleng an hmang dawn a, hetih chhunga an senso tur hi Rs. 1,73,25,000 vel zet a ni.

Italy aṭang hian India an pan ang a, Dcember 1 khian Grand Hyatt, Mum­bai-ah a lawmna hran an la buatsaih leh dawn a ni.