Milar ten California ram kang an tuar

Tun hnaia California ram kang nasa tak chuan chhiatna chi hrang hrang a thlen nasa hle a, vanduaina tawk zingah pawh milar eng emaw zat an awm.

American singer Robin Thicke chu vanduaina tawk lang­sar ber a ni a, Malibu-a a in chu a kang chhia a nih kha. Ani bakah hian Gerard Butler, Miley Cyrus, Kim Kardashian-West leh Lady Gaga te chuan an in leh lo an chan phah bawk.

Miley Cyrus chuan, "Kang mei rapthlak takin ka in a kang chhia a, nimahsela ka vannei hle a ni. Ka in ding hmuh tur awm tawh lo mah se, kei leh ka ranvulh te kan him avangin ka lawm tak zet a ni. Min lainattu leh min duhsaktu te chungah lawmthu ka sawi tak zet a ni," tiin a sawi. Liam Hemsworth chuan Miley Cyrus hi a tawrhpui thu a lo sawi ve mek bawk.

Kim Kardashian-West leh an chhungte chuan Zirtawpni khan Hidden Hills-a an in chu an chhuahsan a, social media lamah him dam taka an chhuah thu a tarlang zui. Caitlyn Jenner chuan, "Kan vannei tak zet a ni, meipuiin kan in a man lo hlauh," tiin, Twitter lamah a tarlang.

Lady Gaga pawhin himna zawngin a in a chhuahsan a, a hlauthawng ve hle tih erawh a hriat. Lady Gaga chuan, "Min ṭhawng tak zet a, rilru ngaituahna zawng zawng a buai a ni. Kangmei turte ka lainat tak zet a, he thil thleng hi a pawi tak zet a ni," tiin a sawi. Emergency service te hna thawh chu fakawm a tih thu a sawi uar hle bawk.

California-a ram kang nasa tak hi kar kalta Ningani aṭanga inṭan kha niin, tun thlengin ṭhelh mih a la ni lo. Hriat theih chianah mi 40 chuang an thi tawh a, mi 200 vel zet chu an awmna chin hriat a ni lo bawk. He ram kang hi a nasat em evangin mi tam tak thla barin an awm a, mi eng emaw zat chu hmun hiamah sawnchuah an ni tawh bawk.