Isha Ambani & Anand Piramal ; An inneih sawmna card man a to uchuak!

India mi hausa tawn­taw Mukesh Ambani fanu Isha Ambani leh Piramal Group chairman Ajay Piramal fapa Anand Piramal te chu December 12 khian an inei dawn a, an ineih sawmna card pakhat man ringawt pawh nuai thum a ni hem mai!

Tunlai media te buai­pui ber pakhat chu Isha Ambani leh Anand Piramal te innei tur hi a ni a, an inneih sawmna card man to uchuak tak hi an khel nasa hle a ni. He Royal Invitation Card hi phek li-a chhah niin, pakhat hi nuai thum man vel zel zet a ni. Heti a nih chuan sawmna ringawt atan pawh hian sum an hmang hnem hle dawn tihna a ni.

Kum 26 mi Isha Am­bani leh Anand Piramal (33) te inneih tur thu hi October 30 khan official-a puan a ni a, December 12 hian an inkutsuih dawn a ni. An inneihna hmun tur hi India rama in man to ber leh ropui ber ang hiala an chhal ṭhin Antilia a ni dawn. He in hi Mukesh Ambani-a in niin, Mumbai khawpuia awm a ni.

Piramal leh Isha te hi sumdawng hausa chhungkua aṭanga seilian ve ve an nih avangin an innei tur pawh hian ngaihven a hlawh hle a ni. Anand hi Pennsylvania University aṭanga eco­nomics zir chhuak a ni a, Harvard Business School aṭangin MBA a zo tawh bawk. Tunah hian Piramal Group-ah hian executive director in a awm mek a ni.