Seraphic Choir-in music video thar tichhuak

Seraphic Choir chuan music video thar 'Lalnunnem' (Hlado, Nilen Zai, Hmarkhawchhingi zai) chu an tichhuak.

'Lalnunnem' hi Lalduhawma Chhak-chhuak siam niin, Nilen Zai leh Hmar-khawchhingi Zai kaihlek a ni. Hla siamtu Lalduhawma hi tunhmaa Redeption singer-a akhaipa ṭhin kha a ni nghe nghe.

Seraphic Choir hian a hma pawhin Mizo pi pu zai hmanga Pathian fakna hla siamte hmangin music video dang pawh an lo tichhuak tawh ṭhin a, an hlate ngaihthlak a manhla ṭhin hle. Tuna an music video thar ber hi Seraphic Recording Studio lama an record niin video chu Mawitea RDS Shots kut chhuak a ni thung.

Zonet Ṭhazual Best Group/Duo Gospel Award 2019 dawngtu Seraphic Choir music video thar 'Lalnunnem' hi Thawhlehni zan dar 7-ah khan Upa R. Lalbiakkima chuan tlangzarhin Zonet Cable TV lamah leh MDM YouTube channel lamah thlira ngaihthlak theih turin an chhawp chhuak bawk.

Seraphic Choir-te hian project dang hmachhawp pawh an la nei a, F Vanlalchhuanga hlate hmangin home coming an buatsaih mek bawk. An member hlun Lalawmpuii chuan March 24 hian khiang a awi dawn bawk a ni.