Priscilla Laldinpuii Fanai music video thar a hnai

Lelte Award Gospel New Artist of the year 2021 dawngtu Priscilla Laldinpuii Fanai chuan music video thar 'Engkim Siamtu' a tichhuak dawn.

'Engkim Siamtu' hi Lalṭhachung-nunga Tlau phuah a ni a, hla phuahtu leh a satute chuan Mizoram mai bakah rampawn lama awm Zo hnahthlak zawng zawngte chu he hla hi uluk taka lo ngaihthlak sak turin an ngen a, hla thu ṭha tak a nih bakah music video mawi tak nen an rawn chhawp chhuak dawn a ni.

Priscilla Laldinpuii Fanai hian music video a tichhuak ve nual tawh a, tunhnai lawk pawh khan 'Lo kir leh mai rawh' tih chu tichhuakin YouTube lamah duh hun huna hmeh chhuah theihin a awm reng tawh a ni. Tuna a tihchhuah thar tur 'Engkim Siamtu' hi Zonet Cable TV lamah leh YouTube lamah thlira ngaihthlak theih turin a awm thuai ang.