Hollywood film-ah Alia Bhatt

'Heart of Stone' film-ah Gal Gadot leh Jamie Dornan-te nen an inlan ho dawn ■

Bollywood superstar Alia Bhatt chu Netflix spy thriller film thar tur 'Heart of Stone'-ah a chang dawn a, he film-ah hian Gal Gadot leh Jamie Dornan-te nen an chang ho dawn a ni.

Hemi chungchang hi Deadline chuan a tarlang a, 'Heart of Stone' hi Netflix leh Skydance siam tur niin British filmmaker Tom Harper chuan a direct ang.

He film-ah hian Gal Gadot a inlan dawn tih hi chu an puanzarna a rei tawh a, thla hmasa lamah khan Jamie Dornan a inlan dawn tih hi puangzar lehin tunah chuan Alia Bhatt hming pawh hi an sawi ri ve leh ta a ni.

Bhatt film channa hnuhnung ber chu Sanjay Leela Bhansali period biopic Gangubai Kathiawadi kha niin, he film hi a lar hle a, hripui len hnua Bollywood film tlangzarh zingah chuan tlangzarh kara sum lalut tam pathumna a ni phak hial.